Music Upliftment Committee leh Lamka Presbytery Youth Fellowship

KIPAHTHU GENNA

Music Upliftment Committee leh Lamka Presbytery Youth Fellowship Saina in apaisa 21st July apat Solfa Training paizom tou in Tuni date 31st July 2026 zoh theih ahihziakin Pathian kiangah kipahthu i gen masa ahi. Hiai hun ah Instructor leh a ziltute thatampi sengin panlak chiat ua a loh ching ngei leng i kinem ahi. Huai kia thamlou in Elder C. Biaklun mahmah inleng pathuam ngaihna suahin kithuahpih theih om bangbang ana kithuahpih zel ahih manin kipahthu i gen ahi.

Tu in Closing program tan a mi 38 min khumlut om ua, mabanah Pathian laa a laapawl in khangtouhna leh masawna naktak a ahong om kinep huai mahmah hi.

MUC tungah leng kipahthu i gen ahi. Amaute'n instructor ding hong zong sak banah mi hong sawl sak ziakun leng kipahthu i gen ahi.

Hiai ading a sen leh pai tampi om ding lakah mikiphal LPWC Moderator Elder S. Thangsuanmang tungah leng kipahthu i gen ahi.
Huanah, Rev. M. Thangkhanmuan Coordinator (Missions & Institutions) in hasotna thu banah Refreshment tengteng ahong piaksak kia thamlou in Program khak hun hong zaksak ziakin leng kipahthu i gen ahi

Hiai hun ah pan mun, sum leh pai hitaleh tha leh zung ana seng khatengteng tungah kipahthu i gen ahi.

LPYF COMMITTEE MEMBER TE KIPAK MAHMAH UNG!

Kipak e,

Noute toh Semkhawm,
LPYF sik-leh-tangin,

Sd/-
Lian JohnMark
LPYF Secretary