Sunday School

Hiai sunga i muhtheih poimoh mahmah khat ahihleh Nehemia kua hi ahia Chih leh Nehemia pa Hakalia ahi. I muh mah bangin Nehemia tuh Hakalia tapa ahi Chih a kichian pah hi. Unau bangzah pha uh, anu kua, apa'n bang nasem hi hiam chihte i thei saukei hi. Hakalia i Chih chiangin Hebru min ahi a, huai tuh min gen neitak "Jehovah in a hihnavak, " ahihkeileh "Jehovah ngak, " chihna ahi. Hiai bang min ziakin a tanchin Lai Siangthou ah a tanchin tampi kimuh beh kei le zong Nehemia pa tuh Pathian ginna leh Pathian toh a ziak a san nei a kinaihna nei mi khat hi dia gintak ahi.

Hiai sunga I muhtheih poimoh mahmah khat ahih leh Nehemia kua hi ahia chih leh Nehemia pa Hakalia ahi. I muh mah bang in Nehemia tuh  Hakalia tapa ahi chih aki chian pah hi. Unau bangzah pha uh, anu kua, apa’n bang nasem hi hiam chihte ithei sau kei hi. Hakalia I chih chiang in Hebru min ahi a, huai tuh min gen neitak “ Jehovah in a hihnavak,” ahihkeileh “Jehovah ngak,” chihna ahi. Hiai bang min ziak in a tanchin Laisiangthou ah a tanchin tampi kimuh beh kei le zong Nehemia pa tuh Pathian ginna leh Pathian toh a ziak a san nei a kinaih na nei mi khat hi dia gingtak ahi.

Khovel mite leh Kumpipate ma a hangtak leh tangtak a din theihna dingin Nehemia in Pathian buan in thumna ana neita hi. Thupil khatin, 'mi Pathian ma a khukdinte mah a kumpi leh vaihawmte ma ah atdingtang zoute ahi,' chia kigen adik mahmah ahi, Khovel ma a tangtak a i din theihna ding leh i dinzohna Pathian ma a i khuk din masak ana ngaisek hi, Huchi bang ahihlouh chiangin khovelma leh vaihawmte ma ah i puk pahpah hi.

Hiai kulhbang lamthak na ding toh kisai a panmun kilepdan leh a nasep nate uh hiai a nuai alim pansanin i en masa ding. Hiai in a ansep dan uleh a panmunte uh hon theichiansak ding. Huchiin siampulian Eliasib a unau siampute toh a thou a, belam kongpi a bawl ua; a hihsianghtou a, a kongkhakte a tung ua; Meah insang tanin ahihsiangthou a, Hanannel insang tan in. 2 Huah amah zomin Jeriko miten alam uh. Huan amau zomin Imri tapa Zakkurin a lam hi.

Ginna kalsuanna seselou ah leng khovel nasepna leh kimakaihna ah heutu leh makaite doudaltu ding a om gige hi. Gam makai khenkhat gamdangte adia gilou leh huathuai mahmah ahihlai un a gammiten zahtakin be ut phial khopin apahtawi thei leuleu uhi. Agam ua dia galhang, gam le nam it, a mite it chi in ngaihsanna leh zahtakna tang uhi. Huchimah bangin Nehemia in a gam, khopi leh mite itna toh Jerusalem kulhbang leh kongpi loih leh mei a kangsia omte tungding din hon kipan hi. Hiai pen Judate a dia thilhoih kia hilou in agam, anam, khotang leh biakna tan tungtu dia hong kisaklai in Sanballat leh Tobiate adingin midongkholh leh huathuaipi hong suak uhi. Huchiin, anasepna a lohchinlouh na ding ahihtheihna teng uah panla in ana dal uhi.

Bung 4 na ah Israelten amau hihtheih na zahzah a semin, khut lang khat ah galvan leh khut langkhat a nasem in sun le zan in pang in om uhi. Nehemia ngei leng gim le tawl genlouin om pihin, hanthawn in nasem hi. Himahleh a dah huai mahmah ahihleh Bung 5 i hong tun chiangin, kulhbang lam lamlam genkhak in

omlou in amau sung gentheihna leh kineksiatna ziaka buaina thupitak hong om i mu hi. Khangthu suut miten Rome kumpi Lalgam puksiatnate laka poimoh mahmah khat ahihleh Innkuan siatna ahi chi uhi. Hiai innkuan siatna i Chih chiangin akilang tangpi deuhte hiaite ahi: Inn sung kithunun na kisia, Nupa kikhenna hong tam, ta leh nau neih kiam, ta le nau neihna hong kiam chia sepaih nasem ding hong kiam, Innkuan a Nu le pa, U zawte zahna kiam, huai in khotanga Upare zahna beisak. Hiai bang tengin khotang leh gamvaihawmna kithunun na teng niamkiakna hong tun in.