REFORMED SAMARITAN PROJECT OFFICIAL LAUNCHING PROGRAM ZAT IN OM: SUPERINTENDENT LAMKA PRESBYTERY IN SAMARITAN-TE ADI’N THUMSAK
Nisim Friday, 7th March, 2025 in Olive Presbyterian Church ah Lamka Presbytery Youth Fellowship (LPYF) in Project poimoh mahmah a aneih “REFORMED SAMARITAN” kichi Official Launching Program zat in om hi. Rev. K. Dongkhankhup, Superintendent Lamka Presbytery in Pathian’ min in hongkhia a, Samaritan-te a ding in thumsakna hun zang hi. Dr. Khenzamung, Samte in hiai hun ah “Sisan Piakkhiak a Manphatdan” chih thupi a zang in thugenna manphatak nei hi. Hiai hun Head Office a Coordinator-te, Presbytery sung a Pastor-te leh Uliante’n uap ua, tuailaite hanthawnna thu mantamtak genna leng nei uhi. Unaute Mercy Dimmunsang leh Niang Senit a kipan in “Mi dangte adi’n vualzawlna hi in” chih late siamtak a awihna om hi.
REFORMED SAMARITAN TOH KISAI:
- REFORMED SAMARITAN BANG HIHIAM?
- Sisan (blood) donate/thoh tungtawn a saptuammite lak a Pathian’ nna sepna ahi.
- A HONG PIANKHIAK DAN
- Damlouh-gentheih hun a sisan taksap ziak a saptuammite haksatna dawnzangkhaitu hih ding utna lungsim a neih a om tuh LPYF 1st Meeting, dated 31st January, 2025, Resolution No. 1.3. dungzui in “Blood Donation Team/Reformed Samaritan” chih di’n phasak in om hi. Hiai a kipan in sepsuah leh panlakna kipan ngal hi.
- A TUP BANG AHIA?
- Nat-le-sat ziak a saptuammite’n sisan taksapna i tuah hun ua awng hutu leh panpihtu hih ding.
- KUATENG IN HAMPHATPIH THEI DING?
- Saptuam mi-le-sa peuhmah in.
Hiai nahoih sem ding in tunitan in tuailai 55-te’n min pelutta ua, mi 2-te’n sisan pekhia/donate-ta uhi.
Toupa’n thupina tang hen la, saptuamte hon mapi zel hen.
Kipak e,
– LPYF COMMITTEE 2025
